إهداء خاص :
لا جيت ابكتب عن جمالـك تراجعــــــــت
كل القصايـد مـن جمالـك تهابك..
كنك شبيه الشمس من نظرتك ضعــــــت
حتى القمر من نور وجهـك سرابك..
يطيح حرفي دون وصفك لو ابدعـــــت
ما يأصل حدود الثـرى فـي ترابـك..
فرضت حسنك للملأ حيل واقنعـــــت
سبحان رب ٍ صورك واعتنابـك ..
شف منزلـك بيـن الحنايـا تربعـــــــــــت
لا ما يليـق بغيـر حضـرت جنابك..
انت الوحيد اللي لـه القلـب طوّعـــــــــت
منك استلـذ الجـرح حتـى عذابك..
مت بغرورك كيف لا مـن تواضعــــت
احـس كـن الكـون قـام وزهابـك ..
قربك حياتي يا فدى روح من طعت
فيك ابتـدا معنـى الغـلا وانتهابـك..
حبك ملكني لين همـت وتولعــــــت
وش باقي اكثر من خفـوق ٍ غدابـك..
إليا فقدتك ضاقت الحال وارتعــــت
لحظات موتي لـو تصـور غيابـك ..
عن حب غيرك كل الأبواب
شمــعت..
ما فيه بـاب ٍ بالهـوى غيـر بابـك..
وما دام كل اشعور فيني لـك اخضعــت
ما هي غريبـه لـو حروفـي ترابـك.
ليست هناك تعليقات:
إرسال تعليق